სასამართლომ ქართული მარშის 6 წევრს აღმკვეთი ღონისძიების სახით პატიმრობა შეუფარდა, მათ შორის ერთ-ერთი, მარშის ლიდერი ლადო სადღობელაშვილია. ამის შესახებ სასამართლო პროცესის დასრულების შემდეგ გახდა ცნობილი.

19 მარტს ქართული მარშის წევრებმა რუსთავი 2-თან აქცია გამართეს. მათ მიაჩნდათ, რომ ტელეწამყვანმა გიორგი გაბუნიამ მორწმუნეთა "რელიგიურ გრძნობებს" შეურაცხყოფა მიაყენა, როცა 18 მარტს გადაცემა P.S.-ში იესო ქრისტეს ჯვარცმაზე ისაუბრა.

აქციაზე ქართული მარშის წევრებმა, რუსთავი 2-ის ჟურნალისტს დავით ერაძეს სცემეს. მათ გიორგი გაბუნიას მანქანას ალყა შემოარტყეს და სიტყვიერი შეურაცხყოფა მიაყენეს. პოლიციამ ქართული მარშის 6 წევრი დააკავა.