შინაგან საქმეთა სამინისტროს განცხადებით, ინტერპოლთან და ევროპოლთან თანამშრომლობის შედეგად, რამდენიმე დღის წინ, მადრიდში ჩატარებული სპეცოპერაციისას, დანაშაულებრივი ჯგუფის ოთხი წევრი დააკავეს. მათი ინფორმაციით, ოთხივე საქართველოს მოქალაქეა.

ამის შესახებ შსს-ს ორგანიზებულ დანაშაულთან ბრძოლის დეპარტამენტის უფროსმა, მამუკა ჭელიძემ დღეს, 23 მარტს ბრიფინგი გამართა. მისი თქმით, ესპანელ კოლეგებს მათ მიაწოდეს ინფორმაცია დანაშაულებრივი ჯგუფის შესახებ, რომ ჯგუფის წევრები მადრიდში ბინებს ქურდავდნენ. ჭელიძის ცნობით, ესპანელმა სამართალდამცავებმა დაკავებულის ბინიდან დიდი რაოდენობით ნაქურდალი ნივთები, სამკაულები, ძვირფასეულობა და 9 ცეცხლსასროლი იარაღი ამოიღეს.

ფოტო: კადრი ვიდეოდან / შინაგან საქმეთა სამინისტრო

დაკავებულებს ბრალი ესპანეთში, კრიმინალურ დანაშაულებრივ ჯგუფის წევრობას, ქურდობას, იარაღის უკანონო შეძენა შენახვისა და დოკუმენტების გაყალბებისთვის წარუდგინეს. დანაშაული 2-დან 5 წლამდე პატიმრობას ითვალსიწინებს.