36 წლის შვედმა ფორვარდმა ზლატან იბრაჰიმოვიჩმა მანჩესტერ იუნაიტედი დატოვა და ლოს ანჯელეს გალაქსის შეუერთდა.

"კარგი ისტორიებიც სრულდება. ფანტასტიკური ორი სეზონის შემდეგ დადგა დრო, რომ სვლა განვაგრძო. დიდი მადლობა კლუბს, გულშემატკივრებს, გუნდელებს, მწვრთნელსა და ყველას, ვინც ამ ისტორიის ნაწილი იყო", - წერს ზლატანი ინსტაგრამის საკუთარ გვერდზე.

იბრაჰიმოვიჩმა "წითლების" რიგებში უკანასკნელი მატჩი 26 დეკემბერს ბარნლის წინააღმდეგ ჩაატარა და მიღებული ტრავმის გამო 2018 წლის მატჩები გაუცდა.

მანჩესტერთან ერთად მან ევროპის ლიგა, ინგლისის ლიგის თასი და ინგლისის სუპერთასი მოიგო.