ცენტრ პოინტის დამფუძნებელი, ვახტანგ რჩეულიშვილი იმ ადამიანებს, რომელებიც ცენტრ პოინტისგან ან თავიანთი თანხის დაბრუნებას, ან შესაბამისი ქონების ჩაბარებას ითხოვენ, პასუხობს, რომ ხელისუფლებას კომპანიის დავალიანება აქვს და თუ ის მათ კუთვნილ თანხას დაუბრუნებს, ცენტრ პოინტი მზადაა უმოკლეს დროში დაასრულოს მშენებლობები:

"ვერ ვამთავრებთ [მშენებლობას] იმიტომ, რომ ჩვენი ფული აქვს სახელმწიფოს, რომელსაც არ გვაძლევს. დღევანდელ მთავრობას ფული სჭირდება საარჩევნო კამპანიისთვის, ამიტომ ბიუჯეტიდან არ გვიბრუნებენ ჩვენს კუთვნილ თანხას. ამიტომ ყველაფერს აკეთებენ. არჩევნები, საერთოდ, არის კომპანიების დაღუპვა. ახლა გვიშინებენ ინვესტორებს, ვინც ფული უნდა შემოიტანოს, რომ ჩვენმა მოყვანილმა ინვესტორმა, რომელიც უფრო კარგ პირობებზე მუშაობს, რომ იმან არ ჩაიგდო და ჩაიგდოს ამ დანაშაულებრივმა ჯგუფმა".

პროკურატურამ ცენტრ პოინტის დამფუძნებლის, მაია რჩეულიშვილისა და მისი შვილის, გუკა რჩეულიშვილის წინააღმდეგ, რომელიც ამავე კომპანიის სამეთვალყურეო საბჭოს თავმჯდომარეა, სისხლის სამართლებრივი დევნა დაიწყო. როგორც უწყება აცხადებს, გუკა რჩეულიშვილზე ძებნა გამოცხადდება, მაია რჩეულიშვილის დაპატიმრების მოთხოვნა კი სასამართლომ არ დააკმაყოფილა. სასამართლო ცენტრ პოინტის დამფუძნებლებს ჯგუფურად სხვისი ქონების გაფლანგვას ედავება, საქმე ათეულობით მილიონ ლარს ეხება.

პროკურატურაში მაია რჩეულისათვის ბრალის წარდგენის პარალელურად, უწყების მიმდებარედ ცენტ პოინტისგან დაზარალებულებმა საპროტესტო აქცია გამართეს. აღნიშნული ადმაიანები რჩეულიშვილებისგან ან მათი კუთვნილი თანხების დაბრუნებას, ან იმ ბინების ჩაბარებას მოითხოვენ, რომელთა აშენებაშიც მათ წლების წინ ფული გადაიხადეს.