შინაგან საქმეთა სამინისტროს ინფორმაციით, ქართული ოცნების დეპუტატმა მოქალაქეს სცემა. უწყების განცხადებით, შემთხვევა დმანისის რაიონის სოფელ დიდ დმანისში მოხდა.

შსს-ს ინფორმაციით, მიმდინარე წლის 22 მარტს, 00:08 საათზე ქვემო ქართლის პოლიციის დეპარტამენტში შევიდა შეტყობინება იმის შესახებ, რომ დმანისის საკრებულოს წევრმა პარტია ქართული ოცნებიდან მოქალაქეს ფიზიკური შეურაცხყოფა მიაყენა.

გამოძიება საქართველოს სსკ-ის 126-ე მუხლის პირველი ნაწილით დაიწყო, რაც ცემას ან სხვაგვარ ძალადობას გულისხმობს და ისჯება ჯარიმით ან საზოგადოებისათვის სასარგებლო შრომით ვადით ას ოციდან ას ოთხმოც საათამდე ან შინაპატიმრობით ვადით ექვსი თვიდან ერთ წლამდე ანდა თავისუფლების აღკვეთით ვადით ერთ წლამდე. გამოძიების ფარგლებში დანიშნულია სამედიცინო ექსპერტიზა.