რუსეთის პრეზიდენტი ვლადიმერ პუტინი ფეხბურთის მსოფლიო ჩემპიონატს პიარისთვის იყენებს ისევე, როგორც 1936 წელს ადოლფ ჰიტლერმა ოლიმპიადა გამოიყენა. ამის შესახებ დიდი ბრიტანეთის საგარეო საქმეთა მინისტრმა, ბორის ჯონსონმა განაცხადა.,

1936 წლის ოლიმპიადა გერმანიაში, ბერლინში ჰიტლერის ნაცისტური მმართველობის დროს გაიმართა. მეორე მსოფლიო ომის დაწყებამდე ეს ბოლო ოლიმპიადა იყო. ნაცისტურმა რეჟიმმა ოლიმპიური თამაშებისგან დიდი პიარი შექმნა, რითაც ჰიტლერის ეპოქის მიღწევების ხაზგასმა სურდათ.

ბორის ჯონსონმა პარლამენტში გამოსვლისას აღნიშნა, რომ რუსეთის მხარესთან გულშემატკივრების უსაფრთხოების საკითხები სასწრაფოდ უნდა განიხილოს.

ლეიბორისტმა დეპუტატმა, იენ ოსტინმა გამოსვლისას თქვა, რომ მას უყვარს ფეხბურთი, თუმცა ის, რომ გამარჯვებულს ჩემპიონთა თასი პუტინმა უნდა გადასცეს, მისთვის შიშისმომგვრელია.

ბრიტანეთის საგარეო საქმეთა მინისტრმა აღნიშნა, რომ ყველაფრის მიუხედავად, გუნდისა და გულშემატკივრების "დასჯა" და მსოფლიო ჩემპიონატზე არ გაშვება არასწორი იქნება.

რუსეთის საგარეო საქმეთა სამინისტროს წარმომადგენელმა, მარია ზახაროვამ ჯონსონი რუსეთისგან მტრის ხატის შექმნასა და მსოფლიო ჩემპიონატის ბოიკოტირებაში დაადანშაულა.

გაიგეთ მეტი: