საპრეზიდენტო კამპანიის დაფინანსების საქმეზე, საფრანგეთის ყოფილ პრეზიდენტს ნიკოლა სარკოზის ბრალი წაუყენეს.

BBC-ის ცნობით, ბრალდების თანახმად, სარკოზის კამპანია 2007 წელს ლიბიის ლიდერმა მუამარ კადაფიმ დააფინანსა. მას ბრალად ედება კამპანიის უკანონო დაფინანსება, ლიბიის სახელმწიფო ფინანსების უკანონო მითვისება და პასიურ კორუფციაში მონაწილეობა.

2-დღიანი დაკითხვის შემდეგ სარკოზი გაათავისუფლეს, თუმცა ის სასამართლოს კონტროლის ქვეშ იმყოფება. საფრანგეთის კანონმდებლობის თანახმად, "სასამართლო კონტროლი" ითვალისწინებს გადაადგილების შეზღუდვას და პერიოდულ შემოწმებას.

ყოფილი პრეზიდენტი ბრალდებას უარყოფს და ამბობს, რომ ლიბიელებმა ის შურისძიების მიზნით დაადანაშაულეს, რადგან კადაფის დამარცხებისას, სამხედრო დაპირისპირების დროს, ფრანგული სამხედრო თვითმფრინავები გაუშვეს.

მემარჯვენე-ცენტრისტი პოლიტიკოსი, 2012 წელს სოციალისტ ფრანსუა ოლანდთან დამარცხდა საპრეზიდენტო არჩევნებში.

მის წინააღმდეგ 2013 წელს აღძრეს საქმე საფრანგეთში, იმ ბრალდებით, რომ მილიონობით ევრო მიიღო კადაფისგან.