"ექიმების დასკვნის მიუხედავად თვითონ აღნიშნავს, რომ არის შეუძლოდ და მისთვის კარგი იქნება კლინიკაში დარჩენა" - ღუდუშაურის კლინიკაში ამბობენ, რომ სანდრო ბრეგაძეს სუბიექტური ჩივილები აქვს, რომელიც გამოკვლევებით არ დასტურდება.

"ექიმებს არ ჩაუთვლიათ სტაციონარში პატიენტის დატოვება გარდაუვალ აუცილებლობად. ის, რომ სტაციონარშია არის პირადად მისი გადაწყვეტილება. მას აწუხებს რაღაცა, თუმცა გულყრის ეპიზოდებს, რაც მოსდევს ყველა გამოკვლევა ჩაუტარდა და ეს ჩივილები არ დასტურდება."

სანდრო ბრეგაძე კლინიკაში თავად მივიდა, მას შემდეგ რაც პოლიციელებ დაკითხვის დროს ძალადობაში დაადანაშაულა. კლინიკაში განაცხადეს, რომ ბრეგაძეს გარეგანი დაზიანებები არ აღენიშნებოდა და მისი ნევროლოგიური სტატუსი დამაკმაყოფილებელი იყო, თუმცა საკუთარი სურვილით ის კლინიკაში რჩებოდა.