ღუდუშაურის კლინიკაში ამბობენ, რომ ქართული მარშის ლიდერს, სანდრო ბრეგაძეს გარეგანი დაზიანებები არ აღენიშნება, მისი ნევროლოგიური სტატუსი დამაკმაყოფილებელია, თუმცა საკუთარი სურვილით ის კლინიკაში რჩება და გამოკვლევებს განაგრძობს.

როგორ On.ge-ს კლინიკაში უთხრეს ბრეგაძემ საავადმყოფოს თავად, გულყრის ჩივილებით მიმართა. მას ჩაუტარდა გამოკვლევები და მისი ნევროლოგიური სტატუსი დამაკმაყოფილებელი იყო.

რუსთავი 2-თან გამართული აქციის შემდეგ, სანდრო ბრეგაძე დაკითხვაზე იმყოფებოდა. მისი განცხადებით, პოლიციელებმა მასზე იძალადეს. ქართული მარშის აქტივისტების თქმით, ბრეგაძემ სწორედ ამიტომ მიმართა საავადმყოფოს.

შინაგან საქმეთა სამინისტრო სანდრო ბრეგაძის ცემის შესახებ განცხადებას მტკნარი სიცრუეს უწოდებს. უწყებაში ამბობენ, რომ ექიმების თანხმობის შემთხვევაში სანდრო ბრეგაძეს მოუწევს გამოძიებისთვის ჩვენების მიცემა.

შსს-მ ტელეკომპანია რუსთავი 2-თან მომხდარი ინციდენტის გამო 5 პირი დააკავა, მათ შორის ქართული მარშის ლიდერი ლადო სადღობელაშვილი. მათ ბრალი ედებათ წინასწარი შეთანხმებით ჯგუფის მიერ განხორციელებულ ხულიგნობაში. აღნიშნული მუხლი ორიდან ხუთ წლამდე პატიმრობის აღკვეთას ითვალისწინებს.