საფრანგეთის ყოფილი პრეზიდენტი ნიკოლა სარკოზი დღეს, 20 მარტს პოლიციის განყოფილებაში გადაიყვანეს. Reuters-ის ცნობით, მას საპრეზიდენტო კამპანიის დაფინანსების საქმეზე დაკითხავენ.

გამოძიება ეხება ლიბიის ხელისუფლების მიერ 2007 წელს სარკოზის საპრეზიდენტო კამპანიის სავარაუდო დაფინანსების საქმეს.

გასულ თვეში არაბული გამოცემა Asharq Al Awsat წერდა, რომ ლიბიელი დიქტატორი მუამარ კადაფი დასავლეთელი ლიდერების საპრეზიდენტო კამპანიებს აფინანსებდა.

მათივე წყაროს ინფორმაციით, 2007 წელს ნიკოლა სარკოზის წინასაარჩევნო კამპანია €50 მილიონზე მეტი დააფინანსეს. სარკოზიმ ბრალდებები უარყო. გამოცემის ანონიმური წყარო ამბობს, რომ დაფინანსების სანაცვლოდ სარკოზი ლიბანთან საფრანგეთის ურთიერთობის დალაგებას პირდებოდა.