საქართველოს პრემიერ-მინისტრის განცხადებით, გუდაურში საბაგიროს მწყობრიდან გამოსვლას დამოუკიდებელი საერთაშორისო ტექნიკური ჯგუფი შეისწავლის. გიორგი კვირიკაშვილის თქმით, უმკაცრესად დაისჯება ყველა, ვისი ბრალეულობაც გამოიკვეთება:

"ჩვენ ყველაფერს გავაკეთებთ, რომ მაქსიმალურად იყოს დაცული ჩვენი მოქალაქეებისა და ტურისტების უსაფრთხოება და ჩრდილი არ მიადგეს იმ იმიჯს, რომელიც ჩვენმა ქვეყანამ, მათ შორის, თავისი სამთო-სათხილამურო კურორტებით, საერთაშორისო მასშტაბით მოიპოვა."

16 მარტს, გუდაურში, საბაგიროს მწყობრიდან გამოსვლის შედეგად, ოფიციალური ინფორმაციით, 10-მდე ადამიანი დაშავდა. მათი მკურნალობის ყველა ხარჯს სრულად აანაზღაურებს მთის კურორტების განვითარების კომპანია. კომპანიის ცნობით, დაზიანებული საბაგირო 2017 წლის 22 დეკემბერს შემოწმდა და ინსპექტირების შედეგად არაინაირი არსებითი თუ კრიტიკული შეუსაბამობა არ დადგინდა.

ამავე თემაზე: