მუსიკალური ფესტივალი Tbilisi Opean Air სახელმწიფო დაფინანსებას მიიღებს. Check in Georgia ფესტივალს წელს პირველად დააფინანსებს.

როგორც Open Air-ის მუსიკალურმა დირექტორმა, დათო ცინცაძემ On.ge-ს უთხრა ფესტივალი, თავისი ბიუჯეტის 10-15%-ის პროპორციულ თანხას მიიღებს:

"ჩვენ Check In Georgia-სთან გვქონდა აზრთა სხვადასხვაობა, არამხოლოდ ჩვენ, რადენიმე პრომოუტერმა ეს ძალიან მკვეთრად დავაფიქსირეთ. თავდაპირველად, როცა დაიწყო Check In Georgia რაღაც პროექტები დაფინანსდა მხოლოდ, მაშინ ვთქვით, რომ ან საერთოდ არ უნდა დაფინანსდეს ფესტივალები და ივენთები სახლმწიფოსგან, ან თუ მაინცდამაინც სახელმწიფო ხედავს, რომ ეს ტურიზმისთვის აუცილებელია, მაშინ ყველა უნდა დაფინანსდეს და რაღაც დისკრიმინაციას ან შერჩევას ადგილი არ უნდა ქონდეს."

2016 წელს, ცინცაძემ განაცხადა, რომ სახელმწიფო Check In Georgia-ს პროექტით პირდაპირ კონკურენციაში ედგა მუსიკალური ინდუსტრიის კერძო ბიზნესს. ცინცაძის თქმით, წელს სახელმწიფომ მიდგომა შეცვალა და ყველა ფესტივალს უცხადებს მხარდაჭერას. აქედან გამომდინარე დაიწყო მათ შორის თანამშრომლობა.

Check in Georgia სამთავრობო პროექტია, რომლისთვისაც მთავრობის სარეზერვო ფონდიდან 2018 წელს, 20 მილიონი ლარია გამოყოფილი. პროექტის ფარგლებში საქართველოში მთელი წლის განმავლობაში სხვადასხვა გასართობი ღონისძიებებია დაგეგმილი.

ამავე თემაზე: