თუ GOT-ის ერთგული მაყურებელი ხართ, აუცილებლად გემახსოვრებათ სერიალში ერთ-ერთი ყველაზე შოკისმომგვრელი ეპიზოდი, როდესაც ნედ სტარკს საზიზღარი ჯოფრი ბარეთეონის დაკვეთით სიკვდილით სჯიან.

მსახიობმა შონ ბინმა Huffington Post-თან საუბარში გაამხილა, თუ რას ჩურჩულებდა ნედ სტარკი მანამ, სანამ მახვილით თავს წააძრობდნენ.

ბინმა აღიარა, რომ ეს სცენა მთლიანად იმპროვიზაცია იყო და ნედი უბრალოდ ლოცულობდა.

"უბრალოდ ვლოცულობდი. ჩემს თავს ვუთხარი რა შეიძლება ადამიანმა გააკეთოს, თუ ეს ყველაფერი რეალობაში მოხდებოდა და გადავწყვიტე, რომ მელოცა. არ ვიცი რეალურად სერიალისთვის რამდენად სწორ რელიგიაზე ვლოცულობდი, მაგრამ ვიფიქრე, რომ ასეთ მომენტში მე თვითონ ამას გავაკეთებდი", - ამბობს მსახიობი.

სერიალის ბოლო სეზონი HBO-ზე 2019 წელს გამოვა.