საარსებო წყაროებით უზრუნველყოფის სააგენტო 212 დევნილ სტუდენტს, რომლებიც სახელმწიფო პროფესიულ კოლეჯებში სწავლობენ, ტრანსპორტირების ხარჯებს დაუფინანსებს.

ტრანსპორტირების ხარჯების დაფინანსების მოთხოვნით, დევნილმა სტუდენტებმა, წინასწარ განსაზღვრულ პერიოდში, უნდა შეავსონ განაცხადი და ჩააბარონ სააგენტოში, მისამართზე - ქ. თბილისი, თამარაშვილის ქ. N15ა ან სკანირებული განაცხადი, თანდართულ დოკუმენტებთან ერთად, გააგზავნონ სააგენტოს ოფიციალურ ელ. ფოსტაზე -[email protected]

სააგენტო "დევნილთა პროფესიული განათლების ხელშეწყობის პროგრამას" 2016 წლიდან ახორციელებს. პროგრამის ფარგლებში, 2016-2017 წლებში, სახელმწიფო პროფესიულ საგანმანათლებლო სასწავლებლებში ჩარიცხული 500-მდე დევნილი სტუდენტი უკვე დაფინანსდა და ეს პროცესი 2018 წელსაც გაგრძელდება.