აშშ-ის სახელმწიფო მდივანმა, რექს ტილერსონა ბრიტანეთის ვერსიას, რომ ყოფილი რუსი ჯაშუშის, სერგეი სკრიპალისა და მისი შვილს მოწამვლის საქმეში, სავარაუდოდ, რუსეთი მონაწილეობდა, მხარს უჭერს.

"ასეთ თავდასხმას, სუვერენულ სახელმწიფოს ტერიტორიაზე კერძო პირის მკვლელობის მცდელობას, გამართლბა ვერ იქნება. ჩვენ აღშფოთებულები ვართ იმით, რომ რუსეთი, სავარაუდოდ, კვლავ ჩადის მსგავს ქმედებებს. უკრაინითა და სირიით დაწყებული, ახლა უკვე დიდ ბრიტანეთში, რუსეთი აგრძელებს მსოფლიოში არასტაბილურობაში უპასუხისმგებლო ძალად ყოფნას, რომელიც ღიად აგრძელებს სხვა ქვეყნების სუვერენიტეტისა და თავისი მოქალაქეების სიცოცხლს უგულებელყოფას", - ნათქვამია განცხადებაში.

მისი თქმით, სკრიპალისა და მისი შვილის მოწამვლაში მონაწილე ყველა პირი უნდა დაისაჯოს. ტილერსონმა, ასევე, აღნიშნა, რომ მისთვს ცნობილი არ არის მომწამვლელი ნივთიერება რუსეთის ხელისუფლების ბრძანებთ გამოიყენეს თუ არა.

გუშინ, 12 მარტს, დიდი ბრიტანეთის პრემიერ-მინისტრმა, ტერეზა მეიმ განცხადა, რომ სკრიპალები მოწამლეს ნივთიერებით, რომელიც რუსეთში დაამზადეს.

პრემიერის თქმით, სკრიპალის მოკვლისთვის ნერვულ-პარალეპტიკური ნივთიერება გამოიყენეს, რომელიც ცნობილია სახელწოდებით ნოვიჩოკ (ახალბედა). მანვე განაცხადა, რომ, სავარაუდოდ, მკვლელობს მცდელობაში რუსეთის ხელისუფლებაც მონაწილეობდა.