თბილისის ვიცე-მერის, ირაკლი ხმალაძის თქმით, კომპანია სითი პარკთან გაფორმებული ხელშეკრულების შეწყვეტის მიუხედავად, მოქალაქეებს დაკისრებული ჯარიმების გადახდა მაინც მოუწევთ:

"იმ შემთხვევაში თუ უკანონოდ არაა დაკისრებული, რასაც, სამწუხაროდ, ჰქონდა ადგილი და მივედით ამ შედეგამდე".

მისივე თქმით, პარკირების საფასურის მოკრება გაგრძელდება, ისევე როგორც დაჯარიმების პროცესი. ასევე, ჯერჯერობით უცვლელი რჩება ტარიფები, ამ ყველაფერს კი, 10 აპრილიდან, თბილისის მერიის სატრანსპორტო კომპანია გააკონტროლებს.

ვიცე-მერი აცხადებს, რომ სატრანსპორტო კომპანიას დასჭირდება რესურსის გაზრდა და მერია მზადაა ითანამშრომლოს იმ ადამიანებთან, რომლებიც ამ სფეროში იყვნენ დასაქმებული.

დღეს, 13 მარტს, თბილისის მერმა, კახა კალაძემ თქვა, რომ მერიამ მიიღო გადაწყვეტილება სითი პარკთან შეწყვიტოს არებული ხელშეკრულება.

თბილისის ტერიტორიაზე ავტომანქანების პარკირების საკითხს კომპანია, შპს სი-ტი პარკი 2007 წლიდან არეგულირებს. ის ერთადერთი კომპანიაა, რომელსაც დღეს დედაქალაქში პარკირების სისტემის მოწესრიგება და დახვეწა ეკისრება.