ევროპარლამენტის სამოქალაქო თავისუფლებათა, მართლმსაჯულებისა და შინაგან საქმეთა კომიტეტმა (LIBE) შეჩერების გამარტივებულ მექანიზმს მხარი დაუჭირა. ამის შესახებ რადიო თავისუფლების კორესპონდენტმა, რიკარდ იოზვიაკმა დაწერა ტვიტერზე:

დღეს, ევროპარლამენტის საგარეო ურთიერთობათა კომიტეტმა საქართველოსთვის უვიზო მიმოსვლას მხარი დაუჭირა, სადაც მომხსენებელ იყო ევროპარლამენტარი ანდრეს მამიკინსი. მან სხდომაზე განაცხადა, რომ სავიზო ლიბერალიზაციისთვის საქართველომ ყველა კრიტერიუმი დააკმაყოფილა.

გერმანიის საგარეო საქმეთა მინისტრმა ფრანკ-ვალტერ შტაინმაიერმა საქართველოში ვიზიტისას განაცხადა, რომ ევროპარლამენტში რიგი ფორმალური საკითხები დარჩა გადასაწყვეტი, მათ შორის შეჩერების მექანიზმის ამოქმედება. გამარტივებული შეჩერების მექანიზმის ამოქმედების საჭიროება ევროპაში არსებულმა მიგრანტების კრიზისმა განაპირობა.