დღეს, 28 თებერვალს, წეროვანის დევნილთა დასახლების სკოლაში, "ახალგაზრდა ევროპელ ელჩები" 100-მდე უფროსკლასელს შეხვდნენ.

26 თებერვლიდან 2 მარტამდე, 27 "ახალგაზრდა ევროპელ ელჩს" საქართველოდან და ევროკავშირიდან, არაერთი ღონისძიება აქვთ დაგეგმილი.

ევროკავშირის ისტორიაზე, საერთო ფასეულობებსა და საგანმანათლებლო შესაძლებლობებზე ცნობიერების ამაღლება "ახალგაზრდა ევროპელი ელჩების" მისიაა.

წეროვნის დევნილთა დასახლებაში, მათ მოსწავლეებს აუხსნეს ევროკავშირ-საქართველოს პარტნიორობისა და თანამშრომლობის საკითხები, გააცნეს საერთო ფასეულობები, კულტურა და ის შესაძლებლობები, რომლებსაც ევროკავშირი საქართველოს ახალგაზრდობას სთავაზობს.

ბევრმა ახალგაზრდა ევროპელმა ელჩმა თავად ისარგებლა ევროკავშირის მიერ დაფინანსებული პროგრამებით, ერაზმუს+ და ევროპის მოხალისეთა სამსახურის (EVS) პროგრამების ჩათვლით. ამიტომ, თითოეულმა ელჩმა საკუთარი გამოცდილება გაუზიარა მოსწავლეებს, თუ რა საგანმანათლებლო შესაძლებლობა ელით მათ ევროკავშირის წევრ ქვეყნებში.

ახალგაზრდა ევროპელი მეზობლების ახალგაზრდობის ქსელი 2016 წლის ივნისში გაიხსნა. პროექტის ევროკავშირის აღმოსავლეთ სამეზობლო ფარგლებში.

ქსელი წარმოადგენს საკომუნიკაციო პლატფორმას, რომელიც ხელს უწყობს ევროკავშირთან დაკავშირებული იდეების, ინფორმაციისა და გამოცდილების ურთიერთგაზიარებას, ასევე ახალგაზრდების ჩართვას სოციალურ ღონისძიებებში.

ორი ღია კონკურსის საფუძველზე ევროკავშირის წევრი სახელმწიფოებიდან და აღმოსავლეთ პარტნიორობის ქვეყნებიდან 200-ზე მეტი ახალგაზრდა შეარჩიეს, "ახალგაზრდა ევროპელ ელჩად". ახალი კონკურსისთვის განაცხადების მიღება 2018 წლის ზაფხულში დაიწყება.