სადაზღვეო კომპანია ჯიპიაი ჰოლდინგის ინფორმაციით, სავაჭრო ცენტრი თერგი, რომელშიც 27 თებერვლის ღამეს ხანძარი გაჩნდა როგორც ქონების, ისე მესამე პირის მიმართ პასუხისმგებლობის დაზღვევის პოლისებითაა დაზღვეული.

კომპანიის თქმით, ამასთანვე, მცირე მეწარმეთა დაზღვევის პოლისით სარგებლობდა რამდენიმე სავაჭრო ობიექტი:

"ამ დროისთვის კომპანიაში შემოსულია სამი ობიექტის განაცხადი, რომელთა ქონების საერთო სადაზღვევო ღირებულება 3 მილიონ ლარამდეა".

კომპანიაში ამბობენ, რომ ზარალის დროული შეფასებისთვის ადგილზე კომპანიის წარმომადგენლები იმყოფებიან.

მთავრობის დადგენილების თანახმად, მარტიდან სასტუმროების ბაზრობების, სავაჭრო ცენტრებისა და გასამართი სადგურების დაზღვევა აუცილებელი გახდება.

დადგენილების მიხედვით, თავშეყრის ადგილის მფლობელი ვალდებულია, რომ ობიექტი, ბაზრობების შემთხვევაში კი მოვაჭრეთა სიცოცხლე და ქონება დააზღვიოს