თბილისის სააპელაციო სასამართლოს სისხლის სამართლის პალატის თავმჯდომარედ ლევან ვეფხვაძე აირჩიეს. მის არჩევას კენჭი დღეს, 26 თებერვალს იუსტიციის უმაღლეს საბჭოში 11 მომხრე ჰყავდა.

თავმჯდომარის თანამდებობის დაკავების სურვილი გამოთქვა სამმა კანდიდატმა: ვეფხია ლომიძემ, გოჩა ჯეირანაშვილმა და ლევან თევზაძემ.

ვეფხვაძის არჩევისთვის ჩატარებულ კენჭისყრაში არ მონაწილეობდა იუსტიცის უმაღლესი საბჭოს არამოსამართლე წევრი ანა დოლიძე, ნაზი ჯანეზაშვილმა კი - არცერთ კანდიდატს დაუჭირა მხარი.

თბილისის სააპელაციო სასამართლოს სისხლის სამართლის საქმეთა პალატის თავმჯდომარე 5 წლის ვადით აირჩიეს.

დღეს ახალი თავმჯდომარის არჩევამდე საქართველოს ახალგაზრდა იურისტთა ასოციაციამ და საქართველოს დემოკრატიული ინიციატივამ განცხადება გაავრცელეს და იუსტიციის უმაღლეს საბჭოს მოუწოდეს შეწყვიტოს სუბიექტური შეხედულებებით სასამართლოებში თავმჯდომარეების დანიშვნა.