მიშელ ობამას მემუარები 2018 წლის ნოემბერში გამოვა.

აშშ-ის ყოფილი პირველი ლედის ამბობს, რომ წიგნში აღწერილი მხოლოდ პირად განცდებსა და გამოცდილებას ეყრდნობა.

აღსანიშნავია, რომ ამერიკის ყოფილი პრეზიდენტისა და პირველი ლედის, ბარაკ და მიშელ ობამების მემუარების გამოცემის უფლება $60 მილიონად გაიყიდა.

როგორც ცნობილია ბარაკი და მიშელი წიგნებზე ცალ-ცალკე მუშაობდნენ, თუმცა მათზე უფლებები ერთად გაყიდა. მემუარებს Penguin Random House გამოსცემს. თავის დროზე სწორედ ამ გამომცემლობამ იყიდა ბილ კლინტონის მემუარების გამოცემის უფლებაც.

როგორც ცნობილია, ობამების წიგნის გამოცემის უფლების ფასი, აშშ-ის ყოფილი პრეზიდენტების მემუარების გამოცემის ისტორიაში, რეკორდულია. მაგალითისთვის, ბილ კლინტონის მემუარების გამოცემის უფლებები $15 მილიონ, ხოლო ჯორჯ ბუშის $10 მილიონად გაიყიდა.

მიშელ ობამა პირველი ლედი 2009-2017 წლებში იყო.