11 მარტს 3 საათზე თბილისის სახელმწიფო უნივერსიტეტში აქცია განახლდა. სტუდენტებმა ღამე უნივერსიტეტის დერეფანში გაატარეს.

აქტივისტებს ილიაუნის სტუდენტები და ლექტორები შეუერთდნენ. როგორც თსუ-ის სტუდენტმა და აქცია ავტონომია უნივერსიტეტსის ერთ-ერთმა ორგანიზატორმა ლევან ლორთქიფანიძემ განმარტა, მათ ერთი მიზანი, ე.წ. ოდეერების ინსტიტუტის გაუქმება აერთიანებდათ.

მოგვიანებით, აქტივისტების ნაწილმა თსუ-ის მეორე კორპუსთან გადაინაცვლა და იურიდიული ფაკულტეტის ლექტორებსა და სტუდენტებს მხარდაჭერისკენ მოუწოდა.

სტუდენტებს სამი მოთხოვნა აქვთ:

  1. გიორგი გაფრინდაშვილის კანდიდატურის მოხსნა უნივერსიტეტის კანცლერის თანამდებობიდან;
  2. ე.წ. ოდეერების ინსტიტუტის გაქრობა სახელმწიფო უნივერსიტეტებიდან;
  3. სტუდენტური თვითმართველობისთვის პრივილეგიების მოსხსნა;

სტუდენტების თქმით, ისინი აქციებს არ შეწყვეტენ მანამ, სანამ სამივე მოთხოვნა არ შესრულდება.