წლევანდელი წლის ერთ-ერთი გამორჩეული და აღიარებული ფილმი, ოსკარის ნომინანტი Three Billboards Outside Ebbing, Missouri კრიმინალთან ბრძოლაში საყოველთაო შთაგონების წყარო გახდა, რეალურ ცხოვრებაში გადმოვიდა და პროტესტის სიმბოლოდ იქცა.

აქტივისტებმა ლონდოში ფილმის ყველაზე ცნობილი ეპიზოდი გააცოცხლეს და სამი ბილბორდის დახმარებით მთავრობას იმ ხანძრის გამოძიება კიდევ ერთხელ მოსთხოვეს, რომელიც გასული წლის ივნისსში, გრენფილ თაუერში გაჩნდა და 71 ადამიანი ემსხვერპლა.

გარდა ამისა, ფილმი შთაგონების წყარო გახდა ფლორიდის მოქალაქეებისთვისაც. რამდენიმე დღის წინ საშუალო სკოლაში შეიარაღებული თავდასხმისას 17 ადამიანი ემსხვერპლა. მოქალაქეებმა ფილმის დახმარებით ფლორიდის სენატორ მარკო რობის მესიჯი გაუგზავნეს და მას იარაღზე კონტროლის დაწესება მოსთხოვეს.