NASA-ს კოსმოსური ხომალდი Juno იუპიტერის ორბიტაზე დაჯდა. ჰიუსტონმა ოფიციალური მონაცემები და დასტური, დღეს დილით, თბილისის დროით 7:53-ზე მიიღო.

მომდევნო რამდენიმე თვის განმავლობაში Juno-ს მისიის წევრები ხომალდის აღჭურვილობის და სისტემების საბოლოო ტესტებს ჩაატარებენ.

"პლანეტის მონაცემების შეგროვების ოფიციალური ფაზა ოქტომბრიდან დაიწყება, მაგრამ გარკვეული ინფორმაციის მოგროვებას მანამდეც შევძლებთ", განაცხადა მისიის ერთ-ერთმა დამკვირვებელმა ჩარლი ბოლტონმა.

Juno-ს მთავარი მისია იუპიტერის წარმოშობისა და ევოლუციის შესწავლაა. ხომალდზე არსებული ცხრა ხელსაწყოს დახმარებით Juno გამოიკვლევს მყარი პლანეტარული ბირთვის არსებობის შესაძლებლობას, იუპიტერის მაგნიტური ველს, დაადგენს წყლისა და ამიაკის რაოდენობას ატმოსფეროში.

მისია 2011 წლის 5 აგვისტოს გაეშვა დედამიწიდან და იუპიტერის ორბიტაზე 2018 წლამდე დარჩება.