პროკურატურამ პოლიციელი ცოლზე ძალადობის ბრალდებით დააკავა. ამის შესახებ ინფორმაციას პროკურატურის პრესსამსახური ავრცელებს.

უწყებაში აღნიშნავენ, რომ კაცმა ცოლზე არასრულწლოვანი შვილის თვალწინ იძალადა, რაც საქართველოს კანონმდებლობით დამამძიმებელი გარემოებაა.

"ამ უკანასკნელმა განიცადა ძლიერი ფიზიკური ტკივილი და მიიღო სხეულის დაზიანება", - წერია პროკურატურის განცხადებაში.

ბრალის დამტკიცების შემთხვევაში პოლიციელს ერთიდან სამ წლამდე პატიმრობა ემუქრება.