სასჯელაღსრულების სამინისტროს ინფორმაციით, გლდანის სასჯელაღასრულების დაწესებულებაში, ნაპოვნმა ყელგამოჭრილმა პატიმარმა თვითდაზიანება საკნის საპირფარეშოში მიიყენა. მათი განცხადებით, მსჯავრდებული სამოქალაქო სექტორის კლინიკაში იმყოფება, მისი ჯანმრთელობის მდგომარეობა სტაბილურად მძიმეა.

უწყების ინფორმაციით, შემთხვევის დროს მსჯავრდებული საკანში 3 თანამოსაკნესთან ერთად იმყოფებოდა. მოწმეთა ჩვენებით, სავარაუდოდ, მსჯავრდებულმა თვითდაზიანება ერთჯერადი საპარსის პირით მიიყენა. უწყების განცხადებით, მსჯავრდებულმა წარსულში სამჯერ მიიყენა თვითდაზიანება. გამოძიებას სასჯელაღსრულებისა და პრობაციის სამინისტროს საგამოძიებო სამსახური 115-ე მუხლით აწარმოებს.

მსჯავრდებულის უფლებებს არასამთავრობო ორგანიზაცია კონსტიტუციის 42-ე მუხლი იცავს. ორგანიზაციის საბჭოს თავმჯდომარის, არჩილ ჩოფიკაშვილის თქმით, საქმეზე გამოძიება თვითმკვლელობამდე მიყვანის მუხლით მიმდინარეობს, თუმცა, შემთხვევის ადგილას ვერ მიაკვლიეს იარაღს, რომლითაც დაზარალებულს თვითდაზიანების მიყენება შეეძლო.