რამდენიმე პრესტიჟული ჯილდოს მფლობელი, The Handmaid’s Tale-ის ვარსკვლავი ელიზაბეტ მოსი ფილმში A Letter From Rosemary Kennedy მთავარ როლს შეასრულებს.

ფილმის სიუჟეტი კენედების ოჯახის ყველაზე ბურუსით მოცულ წევრ როზმარი კენედიზე იქნება, რომელიც 23 წლის ასაკში ფსიქიატრიულ კლინიკაში მოათავსეს და არასწორი მკურნალობის გამო მთელი ცხოვრება იქ გაატარა.

ფილმი დაფუძნებული იქნება როზმარი კენედის პირად წერილებზე, რომელთაც ის ოჯახის წევრებს უგზავნიდა.

აღსანიშნავია, რომ პროექტის შესახებ ინფორმაცია პირველად 2016 წელს გახმაურდა, მაგრამ გაურკვეველი მიზეზების გამო მისი გადაღებები არც დაწყებულა. როზმარი კენედის როლი ემა სტოუნს უნდა შეესრულებინა, თუმცა ამჯერად პროდიუსერებმა არჩევანი ელიზაბეტ მოსზე შეაჩერეს.