თბილისის მერის, კახა კალაძის თქმით, თბილისის მუნიციპალიტეტის ავტოპარკს წელს 100 ახალი ავტობუსი დაემატება.

"ეს მოგვცემს შესაძლებლობას, ადამიანებს, რომლებიც საზოგადოებრივი ტრანსპორტით მგზავრობენ, შევუქმნათ ყველანაირი პირობები, რომ მგზავრობა იყოს კომფორტული და ნაწილობრივ შემსუბუქდეს მძიმე ეკოლოგიური მდგომარეობა", - განაცხადა თბილისის მერმა.

მისივე თქმით, დედაქალაქში მოძრავი ე.წ. ყვითელი ავტობუსების რესურსი ამოწურულია. მათი ჩანაცვლებისთვის მერი ოთხი წლის განმავლობაში 700 ახალი და ეკოლოგიურად სუფთა ავტობუსების შემოყვანას გეგმავს.