მსახიობი ერიკ რობერტსი საბოლოოდ ალაპარაკდა მის არეულ ურთიერთობაზე თავის დასთან ჯულია რობერტსთან.

Vanity Fair-თან საუბრისას, 61 წლის ერიკი ყვება, რომ ნარკოდამოკიდებულებამ ურთიერთობა გაუფუჭა მთელ ოჯახთან, განსაკუთრებით კი ჯულიასთან.

"მე ყოველთვის ვგიჟდებოდი ჩემს დებზე, ისინი ჩემთვის განსაკუთრებით ძვირფასები იყვნენ, მათთან ძალიან ახლოს ვიყავი, განსაკუთრებით კი ჯულიასთან, მაგრამ ყველაფერ იმან, რაც ჩემს ცხოვრებაში მოხდა, მიმახვედრა, რომ ხანხადახან ყველაზე რთული ადამიანი, რომელთანაც შეიძლება ურთიერთობა გქონდეს, შენივე თავია", - ყვება ერიკი.

მსახიობი იხსენებს იმასაც, თუ რატომ გაუფუჭდა ურთიერთობა დასთან, ჯულია რობერტსთან.

"ძალიან გამიჭირდა იმის გადატანა, რომ კინოს სამყაროში ერთადერთი რობერტსი აღარ ვიყავი. ის გამოჩნდა და უცებ მსოფლიომ შეიყვარა, მე არავის აღარ ვახსოვდი, მხოლოდ მის ძმად მომიხსენიებდნენ, ის კი ჰოლივუდის ყველაზე დიდი ვარსკვლავი გახდა. მასთან მუშაობაზე ყველა ოცნებობდა, ის ყველას უყვარდა, ჰქონდა ის რაც მე არასდროს მქონია. ვიცი ცუდად ჟღერს, მაგრამ ამ ყველაფერმა ჩემზე ძალიან ცუდად იმოქმედა, საბოლოოდ ნარკოდამოკიდებული გავხდი და ჯულიას მიმართ აგრესია გამიჩნდა. ბევრჯერ სცადა ჩემი დახმარება, მაგრამ მეგონა, რომ მის გარეშე უკეთ ვიყავი", - ყვება ერიკ როებრტსი.

ემა და ჯულია

ემა და ჯულია

ემა და ჯულია

ემა და ჯულია

ემა და ჯულია

ემა და ჯულია

თუმცა, როგორც აღმოჩნდა, ჯულია დანებებას არ აპირებდა და საბოლოოდ ძმასთან ურთიერთობაც მოაგვარა.

"წლების განამვლობაში არ მქონდა კონტაქტი, თუმცა ჩემი შევილისთვის [ემა რობერტსი] ის შეუცვლელი იყო, სწორედ ამიტომ ისინი ხშირად ნახულობდნენ ერთმანეთს. საბოლოოდ კი, როდესაც ჯულიამ ტყუპები გააჩინა, ოჯახთან ერთად მივედი კლინიკაში და ბოდიში მოვუხადე ყველაფრისთვის, რაც ვთქვი, ის რისი თქმაც სინამდვილეში არ მინდოდა. ჯულიამ მაშინვე ჩამიხუტა და ყველაფერი მასინვე დალაგდა. ახლა მადლიერების დღეს ხშირად აღვნიშნავთ ერთად და მეილზეც გამუდმებით გვაქვს მიმოწერა", - ყვება ერიკი.

ერიკ რობერტსმა კარიერა 1964 წელს დაიწყო და უკვე 481 ფილმში მოასწრო მონაწილეობის მიღება. დიახ, შეცდომით არ წაგიკითხავთ - ერიკ რობერტსი 481 ფილმში ასრულებს როლს.

აღსანიშნავია ისიც, რომ მის სამომავლო პროექტებში არც მეტი, არც ნაკლები 40-მდე ფილმია.