გასულ წელს, უკრაინამ ევროვიზიაზე რუსეთის წარმომადგენელს ქვეყანაში შესვლა სამი წლით აუკრძალა. მიზეზად კი 2014 წელს ანექსირებულ ყირიმში იულია სამოილოვას მიერ კონცერტის გამართვა დაასახელა, რაც იმას ნიშნავდა, რომ მომღერალი ევროფესტივალში მონაწილეობას ვერ მიიღებდა და ასეც მოხდა.

რუსეთის პირველი არხის გადაწყვეტილებით, ევროვიზია 2018-ზე, რომელიც პორტუგალიაში ჩატარდება, რუსეთის წამომადგენელი კვლავ იულია სამოილოვა იქნება.

"ამის შესახებ გადაწყვეტილები ჯერ კიდევ ერთი წლის წინ მივიღეთ, როდესაც ჩვენს კონკურსანტს უკრაინაში ჩასვლისა და კონკურსში მონაწილეობის საშუალება არ მისცეს", - ამბობს რუსეთის პირველი არხის ჟურნალისტი.

შეგახსენებთ, რომ საქართველოს ევროვიზია 2018-ზე ჯგუფი "ირიაო" წარადგენს.

ევროვიზია 2018-ის რიგით 63-ე კონკურსი პავილიაუ ატლატიკუს არენაზე გაიმართება. ფინალი 12 მაისს შედგება.