ოქროს გლობისზე ოპრა უინფრის სიტყვით გამოსვლა საყოველთაო განხილვის თემა გახდა. უინფრი ბევერლი ჰილტონის სცენიდან საკუთარ გამოცდილებაზე, რასიზმსა და ქალთა უფლებებზე ღიად ლაპარაკობდა, რაც მილიონობით ამერიკელისთვის ინსპირაციის წყაროდ იქცა.

სიტყვა, რომლითაც უინფრიმ იქ დამსწრე საზოგადოებას და მაყურებელს მიმართა, ტვიტეტზე მალევე აიტაცეს და გაჩნდა მოთხოვნა, რომ 2020 წელს მან პრეზიდენტობისთვის უნდა იბრძოლოს.

მიუხედავად იმისა, რომ ტელეწამყვანსა და პროდიუსერს ოფიციალურად ჯერ საპრეზიდენტო არჩევნებში მონაწილეობა არ დაუდასტურებია, CNN-მა გამოკითხვაში ის მაინც ჩასვა და მოსახლეობას ჰკითხა, ვის დაუჭერდნენ მხარს თუ 2020 წელს საპრეზიდენტო არჩევნებში, კანდიდატებს შორის ოპრა უინფრი და დონალდ ტრამპი იქნებოდნენ.

გამოკითხვის შედეგების მიხედვით, უინფრიმ მხარდამჭერთა 54 პროცენტი მიიღო, ხოლო დონალდ ტრამპმა - 39. დარჩენი პროცენტები გამოკითხულთა სხვა, მათთვის სასურველ კანდიდატებზე გადანაწილდა.

ოპრას გარდა, დემოკრატების კანდიდატებად CNN-მა პრეზიდენტობის ყოფილი კანდიდატი ბერნი სანდერსი და ობამას დროს, აშშ-ის სახელმწიფო მდივანი ბერნი სანდერსიც დაასახელეს.

გამოკითხვის მიხედვით კი ტრამპის დამარცხების ყველაზე დიდი შანსი ჯო ბაიდენს აქვს, მან ხმების 57 პროცენტი მიიღო. ბერნი სანდერსმა კი - 55.

ჯერჯერობით უცნობია, მიიღებს თუ არა ზემოთ ჩამოთვლილთაგან რომელიმე მონაწილეობას აშშ-ს მორიგი საპრეზიდენტო არჩევნებში, რომელიც 2 წელში ჩატარდება.