სტივენ სპილბერგი ნამდვილად არ მიეკუთვნება იმ რეჟისორების რიცხვს, რომლებსაც შეუძლიათ წლობით ისხდნენ და ელოდონ როდის შესთავაზებენ ახალ პროექტზე მუშაობას. 2017 წლის ერთ-ერთი ყველაზე წარმატებული ფილმის, The Post, შემდეგ, სპილბერგმა თქვა, რომ საკულტო პერსონაჟად ქცეული ინდიანა ჯონსის შესახებ მეხუთე ფილმი უკვე მზადების პროცესშია.

რეჟისორმა აღნიშნა, რომ ჯონსის შესახებ ახალი ფილმი სავარაუდოდ 2020 წლის 10 ივლისს გამოვა.

სტივენ სპილბერგი იმასაც ამბობს, რომ პოპულარული მიუზიკლის West Side Story-ის რიმეიქის გადაღებასაც გეგმავს.

"West Side Story ჩემი ერთ-ერთი ყველაზე საყვარელი მიუზიკლია, თავისი შესანიშნავი მუსიკით, სცენარითა და ღვთაებრიობით. მისთვის დაწერილი ტექსტები კი მგონია, რომ მუსიკის ისტორიაში ყველაზე გამორჩეულია, ამიტომ მისი გადაღება ნამდვილად ჩემს გონებაშია", - ამბობს რეჟისორი.

როგორც ჩანს, რეჟისორს დიდი გეგმები აქვს, ჩვენ კი ისღა დაგვრჩენია დაველოდოთ მის ახალ პროექტებს.