ეროვნულ-დემოკრატიული ინსტიტუტის კვლევის მიხედვით, საქართველოს მოსახლეობის ნახევარზე მეტს (52%) სმენია, რომ ფეხბურთელმა გურამ კაშიამ სექსუალური უმცირესობების მხარდასაჭერად ცისარტყელას ფერების სამკლავური გაიკეთა. თუმცა, მათგან მხოლოდ მესამედი (31%) უჭერს მხარს კაშიას ამ ქმედებას.

მათგან, ვისაც სმენია გურამ კაშიას ამ ჟესტის შესახებ 76 პროცენტი ამბობს, რომ არ მოეწონა, მაგრამ მასაც აქვს გამოხატვის თავისუფლება, 20 პროცენტი კი ამ გამოხატვას ეწინააღმდეგება.

ფოტო: ფოტო პრეზენტაციიდან / NDI

UK aid-ის ფინანსური ხელშეწყობით კვლევა NDI-ის დაკვეთით CRRC საქართველომ ჩაატარა. წარმომადგენლობითი შერჩევით (ოკუპირებული ტერიტორიების გარდა) კვლევა 29 ნოემბრიდან 19 დეკემბრამდე პერიოდში ჩატარდა, პირისპირ ინტერვიუთი გამოიკითხა 2 298 ადამიანი (გამოპასუხება 48%). კვლევაში მონაწილე პირები შემთხვევითი შერჩევის მეთოდით შეირჩნენ, ცდომილება კი - 1,9 პროცენტია.