ბრიტანელი მსახიობი, რებეკა ჰოლი, აცხადებს, რომ ვუდი ალენის ბოლო ფილმიდან, A Rainy Day in New York, მიღებულ შემოსავალს ჰოლივუდელი ქალების მიერ სექსუალური შევიწროების წინააღმდეგ წამოწყებულ მოძრაობა Time's Up-ის ფონდში გადარიცხავს.

35 წლის მსახიობის განცხადებით, ის ვუდი ალენთან მუშაობას ნანობს, მას შემდეგ, რაც მისი შვილობილის, დილან ფეროუს, წერილი წაიკითხა. ფეროუ 7 წლის ასაკში ალენისგან გამოცდილ სექსუალურ შევიწროებაზე საუბრობს. ფეროუ წუხს, რომ მიუხედავად იმისა, რომ ალენის მიერ ჩადენილ ძალადობაზე ისაუბრა, მას ჰოლივუდის A-კლასის მსახიობები კვლავ უჭერენ მხარს.

რებეკა ჰოლი ალენის 2008 წლის ვიკი კრისტინა ბარსელონაშიც მონაწილეობდა.

"ვაინშტაინის საქმის გახმაურების მეორე დღეს, ვუდი ალენის ბოლო ფილმზე ვმუშაობდი და ვერ ვიფიქრებდი, თუ ამ გამოცდილებაზე ოდესმე სხვანაირად ვიფიქრებდი. როდესაც როლი შემომთავაზეს, მალე დავთანხმდი. ალენმა რამდენიმე მნიშვნელოვანი როლები მომცა თავის ფილმებში, რომელთა მადლიერიც ვარ. ბოლო რამდენიმე კვირის განმავლობაში, ჩემს გადაწყვეტილებაზე ბევრს ვფიქრობდი. მას შემდეგ, რაც დილან ფეროუს წერილი წავიკითხე, მივხვდი, რომ ეს საკითხი ძალიან რთულია. შემაძრწუნებელია ის ფაქტი, რომ ჩემმა ქმედებებმა სხვა ქალს უარყოფილად და გაჩუმებულად აგრძნობინა თავი. ძალიან ვწუხვარ. ვნანობ ჩემს გადაწყვეტილებას და ამას აღარასდროს გავაკეთებ. მინდა სინანულის გამოსახატავად, სიმბოლურად გადავრიცხო ალენის ფილმიდან შემოსული ჰონორარი Time's Up კამპანიაში. უკვე გავწევრიანდი ამ მოძრაობაში და მინდა იმ პოზიტიური ცვლილების ნაწილი ვიყო, რომელიც იმედია, რომ მსოფლიოსაც შეეხება და არა მხოლოდ ჰოლივუდს".

The day after the Weinstein accusation broke in full force I was shooting a day of work on Woody Allen’s latest movie in New York. I couldn’t have imagined somewhere stranger to be that day. When asked to do so, some seven months ago, I quickly said yes. He gave me one of my first significant roles in film for which I have always been grateful, it was one day in my hometown - easy. I have, however subsequently realized there is nothing easy about any of this. In the weeks following I have thought very deeply about this decision, and remain conflicted and saddened. After reading and re-reading Dylan Farrow’s statements of a few days ago and going back and reading the older ones - I see, not only how complicated this matter is, but that my actions have made another woman feel silenced and dismissed. That is not something that sits easily with me in the current or indeed any moment, and I am profoundly sorry. I regret this decision and wouldn’t make the same one today. It’s a small gesture and not one intended as close to compensation but I’ve donated my wage to @timesup. I’ve also signed up, will continue to donate, and look forward to working with and being part of this positive movement towards change not just in Hollywood but hopefully everywhere. #timesup

A post shared by Rebecca Hall (@rebeccahall) on

ვუდი ალენის ფილმებში მონაწილეობისთვის, ისეთი მსახიობები გააკრიტიკეს, როგორიცაა ქეით უინსლეტი და ბლეიკ ლაივლი. Lady Bird-ის რეჟისორი გრეტა გერვიგი ამბობს, რომ ვუდი ალენთან აღარასდროს ითანამშრომლებს.

ფეროუს ბრალდებები კონეკტიკუტის პოლიციამ შეისწავლა, თუმცა ალენის წინააღმდეგ ბრალდება არ წაუყენებია. ვუდი ალენი ფეროუს ბრალდებებს უარყოფს.

დილან ფეროუ მია ფეროუმ და ვუდი ალენმა ერთად ცხოვრების დროს იშვილეს. დილანის თქმით, 1992 წელს ის 7 წლის იყო, როდესაც ვუდი ალენმა მასზე პირველად იძალადა.

ამ ბრალდებას სასამართლო მოჰყვა, რომელმაც 1993 წელს ვუდი ალენს ფეროუსთან ურთიერთობისას აყვანილ ორ და ერთ ბიოლოგიურ შვილზე მეურვეობა არ მისცა.

ფეროუსა და ალენს 13-წლიანი ურთიერთობისას ბიოლოგიური შვილი რონან ფეროუ შეეძინათ, რომელიც ახლა გამომძიებელი ჟურნალისტია. მან ჰარვი ვაინშტაინის წინააღმდეგ არსებული ბრალდებების გამოაშკარავებას ხელი შეუწყო.

1997 წელს ვუდი ალენმა მია ფეროუს მიერ წარსულში ნაშვილები სუნ-ი პრევინი შეირთო ცოლად. მასთან ურთიერთობა ალენმა ჯერ კიდევ ფეროუსთან თანაცხოვრებისას დაიწყო.

1993 წლის სასამართლოდან 2014 წლამდე ვუდი ალენი საჯაროდ აღარ დაუდანაშაულებიათ დილან ფეროუზე სექსუალურად ძალადობაში, თუმცა მას შემდეგ, რაც მას 2014 წელს ოქროს გლობუსი გადასცეს, რონანმა და მიამ ოქროს გლობუსი გააკრიტიკეს, დილანმა კი ნიუ-იორკ ტაიმსში ღია წერილი გამოაქვეყნა, სადაც ალენის მხრიდან ძალადობაზე საუბრობდა.

ვუდი ალენმა დილანს ასევე ნიუ-იორკ ტაიმსში გამოქვეყნებული წერილით უპასუხა, ბრალდება უარყო და განაცხადა, რომ დილანს სექსუალური ძალადობა მია ფეროუმ შთააგონა, რადგან მისი და პრევინის ურთიერთობის წინააღმდეგი იყო.

ამავე თემაზე: