საზოგადოებრივი მაუწყებლის გენერალური დირექტორი, ვასილ მაღლაფერიძე ამბობს, რომ ბრიუსელში ბიუროს არ ხურავენ. ამის შესახებ მაღლაფერიძემ სამეურვეო საბჭოს სხდომაზე ისაუბრა.

"უნდა გითხრათ, რომ ბრიუსელის ბიურო არათუ იხურება, არამედ ძლიერდება ევროპაში. მთელმა წელიწადმა გვაჩვენა რომ საერთაშორისო [ამბები] ჩვენი ერთ-ერთი პრიორიტეტია და საკმაოდ გრძელი სკამი გვაქვს. გამოჩნდა ესპანეთის, სხვაგან და სხვაგან, მთელ რიგ მოვლენებთან მიმართებაში, რომ პროფილურადაც გვჭირდება სხვადასხვა ტიპის მუშაობა, რათა უფრო მოქნილები ვიყოთ. ამიტომ ჩვენ გვემატება საერთაშორისო გადაცემა. სწორედ ამიტომ გადაწყდა ეს როტაცია... ქალბატონ [ქეთი] ქარდავასაც აქვს შეთავაზება და ის ჩვეულებრივად რჩება", - განმარტა მაღლაფერიძემ.

2018 წლის პირველი თებერვლიდან, საზოგადოებრივი მაუწყებელი ევროპის ბიუროს დახურვაზე ინფორმაცია ამავე არხის ჟურნალისტმა, ქეთი ქარდავამ გაავრცელა.