თბილისის მერიამ ქალაქში 14 ქუჩა დაასახელა, სადაც მიკროავტობუსებს მხოლოდ გაჩერებაზე შეეძლებათ მგზავრის აყვანა. აღნიშნული წესი მომავალი წლის თებერვლის ბოლოდან შევა ძალაში.

წესი იმოქმედებს შემდეგ ქუჩებზე:

  • ვაჟა-ფშაველას;
  • შოთა რუსთაველის;
  • ალექსანდრე ყაზბეგის;
  • დავით აღმაშენებლის;
  • ილია ჭავჭავაძის;
  • მარშალ გელოვანის გამზირზე;
  • მერაბ კოსტავას;
  • პეტრე მელიქიშვილის;
  • ვახტანგ გორგასლის;
  • ჟიული შარტავას;
  • პეკინის;
  • ჯორჯ ბუშის ქუჩებზე;
  • დავით აღმაშენებლის ხეივანზე;
  • კახეთის გზატკეცილზე.

"აღნიშნული საპილოტე პროექტის, რომელიც მომავალი წლის განმავლობაში, მთელ თბილისზე ეტაპობრივად გავრცელდება, მთავარი მიზანია, ჩვენი თანამოქალაქეების უსაფრთხოება უზრუნველყოს და მეორე მხრივ, მაქსიმალურად შეუწყოს ხელი დედაქალაქის ხელოვნური საცობებისგან განტვირთვას", - განაცხადა თბილისის მერის მოადგილემ, მაია ბითაძემ.