გერმანული Voice-ის 2017 წლის გამარჯვებული ქართველი მომღერალი ნათია თოდუა, შესაძლოა, ევროვიზიის საერთაშორისო სიმღერის კონკურსზე გერმანიის სახელით წარსდგეს.

როგორც გამოცემა Bild წერს, ქართველ მომღერალს ევროვიზიაზე გერმანიის სახელით გამგზავრების დიდი შანსი აქვს, რადგან ნათია პოსტსაბჭოთა ქვეყნების გულს მარტივად მოიგებს და შესაბამისად მაღალ ქულებსაც დააგროვებს.

თავად მომღერალი კი თვლის, რომ ევროვიზიაზე გერმანიის სახელით გამოსვლა, ამავე ქვეყნისთვის მადლობის გადახდის საუკეთესო საშუალება იქნებოდა მისთვის.

შეგახსენებთ, რომ ნათია თოდუამ Voice-ის ფინალში ხმების 50,1% დააგროვა და პროექტის გამარჯვებული გახდა.