პალო ალტოში მდებარე "Facebook-ის სახლში", ახლა ქართველი სტუდენტი ცხოვრობს

მანამ, სანამ ფეისბუკს 2 მილიარდი მომხმარებელი ეყოლებოდა და მისი შემოსავალი $500 მილიარდს გადააჭარბებდა, ერთი შეხედვით ის გიჟური სტარტაპი იყო.

ჰარვარდის კედლებში შექმნილი the Facebook-ის ავტორები 2004 წლის ზაფხულს კალიფორნიაში, ქალაქ პალო ალტოში, გადავიდნენ და სახლი იქირავეს, რომელიც 2010 წლის ფილმით, სოციალური ქსელი, გახდა ცნობილი.

მარკ ცუკერბერგისა და მისი მეგობრების ყოფილი საცხოვრებელი ბიზნესის სტუდენტებისთვისა და დამწყები ანტერპრენერებისთვის ნამდვილი სამოთხეა. 5-საძინებლიან სახლს ახლა ისინი ქირაობენ, ვისაც ცუკერბერგის მსგავსად დიდი სამომავლო ოცნებები აქვთ.

სახლში ახლა სტენფორდის დამამთავრებელი კურსის სტუდენტები ცხოვრობენ, მათ შორის, შალვა დაუშვილი და დერეკ ცოი. მათ ბიზნეს ინსაიდერს სახლის დათვალიერებისა და გადაღების უფლება მისცეს.