Mr.Friendly ჰოლანდიური სტარტაპია, რომელმაც ჭკვიანი პისუარი შექმნა. გამოგონებას თავზე პატარა ეკრანი აქვს, რომელსაც კომპანიები რეკლამების გასავრცელებლად იყენებენ. სპეციალური სენსორების წყალობით, რეკლამები ეკრანზე მხოლოდ მაშინ ჩნდება, როცა ადამიანი მოშარდვას იწყებს.

შემქმნელების აზრით, პისუარს ის პლუსი აქვს, რომ მომხმარებლის ყურადღებას მინიმუმ 40 წამის განმავლობაში მაინც იპყრობს, რაც რეკლამის გასაზიარებლად საუკეთესო დროა.

ფოტო: The Next Web

„პისუართან ადამიანი რამდენიმე წამი გაუნძრევლად დგას და ეკრანს აკვირდება - რეკლამის გასავრცელებლად, რთულია იმაზე უკეთესი დრო იპოვო,“ - ამბობს კომპანია.

აღსანიშნავია ისიც, რომ პისუარში დამონტაჟებული ეკრანი მომხმარებელს საშუალებას აძლევს რეკლამები გადართონ ან სულაც გამორთონ.