ფონდ იავნანას დამფუძნებელი პაატა ბურჭულაძე 13 დეკემბერს პროკურატურაში გამაოკითხვაზე დაიბარეს. უწყისი მისი ოჯახის წევრს უკვე გადასცეს.

პროკურატურის პრესსამსახურმა რუსთავი 2-თან განაცხადა, რომ ბურჭულაძე მოწმის სახით გამოსაკითხად არის დაბარებული.

საქართველოს მთავარმა პროკურატურამ ფონდ იავნანას ხელმძღვანელი პირების მიერ, სამსახურებრივი მდგომარეობის გამოყენებით, დიდი ოდენობით თანხების შესაძლო მითვისება-გაფლანგვის ფაქტზე გამოძიება სექტემბრში დაიწყო.

გამოძიებას საფუძვლად დაედო არასამთავრობო ორგანიზაცია ახალგაზრდა ფინანსისტთა და ბიზნესმენთა ასოციაციის ვიცე-პრეზიდენტის განცხადება, რომლის თქმითაც, ფონდ იავნანას ხელმძღვანელები შესაძლოა საქველმოქმედო მიზნებისათვის მოპოვებულ თანხებს ითვისებდნენ და არამიზნობრივად ხარჯავდნენ.