დასავლეთ უკრაინაში, ქალაქ ტერნოპოლში, ქართულმა მოძრავმა ცირკმა, ე.წ. შაპიტომ გასტროლების შემდეგ თავისი საცირკო დასის აქლემი ადგილობრივ სტადიონზე მიატოვა ხოლო, თავად დასის წევრებმა კი ქალაქი დატოვეს.

ინფორმაციას ამის შესახებ ფეისბუკზე უკრაინაში მოქმედი ცხოველთა დაცვის ორგანიზაციის UAanimals-ის დამფუძნებელი ალექსანდრ ტოდორჩუკი ავრცელებს.

ტოდორჩუკის ინფორმაციით, უკრაინული კანონმდებლობა არ არეგულირებს მოძრავი ცირკების საქმიანობას და ადგილობრივი დეპუტატები უკვე მუშაობენ აღნიშნული პრობლემის მოსაგვარებლად.

რაც შეეხება მიტოვებულ ცხოველს, მისი ბედი ჯერჯერობით გაურკვეველია.