Russia Today-ს ჟურნალისტებს აშშ-ს კონგრესის აკრედიტაცია ჩამოართვეს. ინფორმაციას რუსული ხელისუფლების მიერ დაფინანსებული ტელეკომპანია ავრცელებს.

კონგრესის ტელე-რადიო კორესპონდენტების კომიტეტის განცხადებაში ნათქვამია, რომ აკრედიტაციის ჩამორთმევა ტელეარხის უცხო ქვეყნის აგენტად რეგისტრაციას უკავშირდება. კომიტეტმა აკრედიტაციის საკითხი 21 ნოემბერს ერთხმად გადაწყვიტა და ის ძალაში დაუყოვნებლივ შედის.

ვაშინგტონში რუსეთის ელჩმა ანატოლი ანტონოვმა განაცხადა, რომ მსგავსი ქმედება ორი ქვეყნის ურთიერთობას უშლის ხელს და მედიის თავისუფლებას ზღუდავს.

ფოტო: Russia Today