საქართველოს ექს-პრეზიდენტის, მიხეილ სააკაშვილის მტკიცებით, უკრაინის პრეზიდენტმა პეტრო პოროშენკომ მისი დაკავების განკარგულება გასცა. სააკაშვილის თქმით, მას სახელმწიფო გადატრიალების მცდელობას აბრალებენ:

"დღეს ჩემთვის გახდა ცნობილი, რომ პეტრო პოროშენკომ საბოლოოდ გადაკვეთა წითელი ხაზი და გასცა განკარგულება ჩემი დაპატიმრების შესახებ უკრაინაში სახელმწიფო გადატრიალების მცდელობისა და ოდესაში რაღაც გამოგონილი საქმის გამო".

ოდესის ყოფილი გუბერნატორის განმარტებით, შესაბამისი დავალება პოროშენკომ გენერალურ პროკურ ლუცენკოსა და უკრაინის უსაფრთხოების სამსახურს მისცა. სააკაშვილის თქმით, მისი განეიტრალებისა და დაკავების დავალება 3 დეკემბრის მარშამდე უნდა შესრულებულიყო, რადგან პოროშენკოს მშვიდობიანი პროტესტის ჩახშობა სურს.