ბათუმში, გორგილაძის ქუჩაზე მოპედი ქვეითად მოსიარულეს დაეჯახა.თვითმხილველების განმარტებით, მოქალაქემ მოპედი ვერ დაიმორჩილა, ჯერ ბოძს, შემდეგ კი ქვეითს დაეჯახა.

44 წლის კაცი ღია მოტეხილობებით სასწრაფო დახმარების ბრიგადამ საავადმყოფოში გადაიყვანა. საავადმყოფოშია გადაყვანილი მოპედის მძღოლიც.

როგორც თვითმხილველი, ელეონორა მერგაზიევა ამბობს, ქვეითად მოსიარულე გზაზე გადადიოდა, მოპედის მძღოლი კი დიდი სიჩქარით მოდიოდა, თუმცა, როგორც ჩანს, ორივე მათგანი დაიბნა და ავარიაც ამიტომ მოხდა.

როგორც On.ge-ს შსს-ში განუმარტეს, გამოძიება სისხლის სამართლის კოდექსის 124-ე მუხლით დაიწყო, რაც ჯანმრთელობის ნაკლებად მძიმე ან მძიმე დაზიანებას
გაუფრთხილებლობით გულისხმობს და ისჯება ჯარიმით ან გამასწორებელი სამუშაოთი ვადით ორ წლამდე