სამხრეთ კორეის პარლამენტში გამოსვლისას აშშ-ის პრეზიდენტმა დონალდ ტრამპმა კიმ ჩენ ინს მიმართა და თქვა, რომ თუ ის ბირთვულ იარაღზე უარს არ იტყვის, ჩრდილოეთ კორეას კატასტროფა ელოდება, წერსThe Guardian. ტრამპის თქმით, აუცილებლობის შემთხვევაში აშშ სამხედრო ძალას გამოიყენებს.

მისივე განცხადებით, ჩრდილოეთ კორეის მიერ ბირთვული იარაღის განვითარება რეჟიმს საფრთხეში აგდებს.

"ნუ გამოგვცდით. აშშ არ მოითმენს მუქარებს და ის არ შეშინდება", - განაცხადა ტრამპმა

აშშ-ის პრეზიდენტმა უშუალოდ კიმ ჩენს მიმართა და თქვა, რომ მიუხედავად იმისა, რაც მან "ღმერთისა და ადამიანის წინააღმდე ჩაიდინა", აშშ მზადაა კრიზის დიპლომატიურად მოაგვაროს.

"ჩრდილოეთ კორეა არაა სამოთხე, რომელზეც თქვენი ბაბუა ოცნებობდა. ეს ჯოჯოხეთია, რომელსაც არავინ იმსახურებს", - განაცხადა დონალდ ტრამპმა.

გამოსვლამდე ტრამპი იძულებული იყო, რომ სამხრეთ და ჩრდილოეთ კორეას დემილიტარიზებულ ზონაში ჩასვლა გადაედო. როგორც ცნობილია, ძლიერი ნისლის გამო პრეზიდენტის ვერტმფრენმა დაჯდომა ვერ მოახერხა. დემილიტარიზებული ზონის მონახულება აშშ-ის წინა პრეზიდენტების ტრადიციაა, რითაც ისინი თავიანთ მოკავშირეებს მხარდაჭერას უცხადებენ.

გაიგეთ მეტი: ჩრდილოეთ კორეის კრიზისი - დეტალები მოკლედ