სერიალ Good Wife-ის ვარსკვლავი, ჯულიანა მარგულისი ერთ-ერთ გადაცემაში სტუმრობისას სექსუალური შევიწროების თემას შეეხო და თავისი ისტორია გაიხსენა, რომელიც მაშინ გადახდა, როდესაც ის 23 წლის იყო.

შევიწროებაში მარგულისი სტივენ სიგალს ადანაშაულებს და ყვება, რომ ის მასთან შეხვედრის დროს, რომელიც სასტუმროს ნომერში შედგა, გამოიქცა.

"კასტინგის მენეჯერმა დაგვიბარა სასტუმროში, ერთად უნდა გვეთამაშა ფილმში და ჩვენს საერთო სცენებზე უნდოდა გასაუბრება. მაშინ ბრუკლინში ვცხოვრობდი, გზის ფული არ მქონდა და მითხრეს, რომ აუცილებლად მივსულიყავი, ყველა ხარჯს კი ისინი დაფარავდნენ. იქ მისულს სტივენი შეიარაღებული დამხვდა, შარვალზე იარაღი ჰქონდა დამაგრებული, კასტინგის მენეჯერი კი არ დამხვდა. სტივენი მომიახლოვდა და თავისი იარაღი დამანახა, უნდოდა დარწმუნებულიყო რომ ვხედავდი. ძალიან შევშინდი, რადგან ნამდვილი იარაღი არასდროს მინახავს და ვგრძნობდი, რომ სიგალი ჩემს შეშინებას ცდილობდა. მას ჩემზე არ უძალადია, არც გაუპატიურების მსხვერპლი ვყოფილვარ, მაგრამ ფსიქოლოგიურ ზეწოლას ნამდვილად ახდენდა. არც კი მახსოვს როგორ გამოვედი სასტუმროდან. საშინელი გამოცდილება იყო და ახლაც საშინლად ვგრძნობ თავს როდესაც ვიხსენებ, რა ვიგრძენი როდესაც იარაღიან სტივენ სიგალთან მარტო აღმოვჩნდი ნომერში.", - ყვება მარგულისი.