შსს-მ თბილისში 200 აბი ბუპრენორფინის შეძენა-შენახვის ბრალდებით ერთი პირი დააკავა. უწყების თქმით, ნარკოლოგიური შემოწმებით აღმოჩნდა, რომ დაკავებული სხვადასხვა ნარკოტიკული საშუალების ზემოქმედების ქვეშ იყო.

გამოძიება განსაკუთრებით დიდი ოდენობით ნარკოტიკული საშუალების უკანონო შეძენა-შენახვის ფაქტზე მიმდინარეობს (საქართველოს სსკ-ს 260-ე მუხლის მე-6 ნაწილით), რაც ისჯება თავისუფლების აღკვეთით ვადით რვიდან ოც წლამდე ან უვადო თავისუფლების აღკვეთით.