საქართველოს პატრიოტთა ალიანსის გენერალური მდივანი ირმა ინაშვილი ექსპრემიერ ირაკლი ღარიბაშვილს მიერ გავრცელებულ წერილს ეხმაურება, სადაც ის საკუთარ და ოჯახის უსაფრთხოებაზე პასუხისმგებლობას ბიძინა ივანიშვილს და ხელისუფლებას აკისრებს. ცნობისათვის ღარიბაშვილის გავრცელებულ წერილში სწორედ ირმა ინაშვილია ნახსენები:

"ღარიბაშვილი არის ჩემი მეგობარი და მე მეგობრებზე უარს არასდროს არ ვამბობ. ანუ დღესაც ჩემი მეგობარია. არასდროს არ დამიტოვებია მე არცერთი ჩემი მეგობარი და არც ირაკლი ღარიბაშვილს არ დავტოვებ.

მე ვამხელ და ვებრძვი პირადად კობახიძეს და ისევ ვიტყვი, რომ კობახიძე არის ცრუმაბეზღარა, ცილისმწამებელი, საბჭოთა დასმენების კანონების ავტორი და ქართული პოლიტიკის ყველანაირად დამაზიანებელი.

და ადამიანი, რომელმაც დათესა ქვეყანაში უზარმაზარი სიძულვილი და აგრესია. არა მარტო ქვეყნის შიგნით, არამედ ქვეყნის გარეთაც. მე კობახიძეს ვამხელ არა იმიტომ, რომ ვინმე დავაზიანო ან რაიმე პროცესი დავაზიანო. კობახიძე უნდა წავიდეს, რომ ჩვენს ქვეყანაში ბოლოს და ბოლოს დაისადგუროს მშვიდობამ.

რაც შეეხება ღარიბაშვილის დღევანდელ კომენტარს, მე დაველოდები მაინც მის ხვალინდელ წერილს და მერე ვისაუბროთ", — აცხადებს "ტვ პირველთან" საუბრისას ირმა ინაშვილი.