სომხეთსა და ამერიკის შეერთებულ შტატებს შორის ყოვლისმომცველი სტრატეგიული პარტნიორობის ქარტია გაფორმდა.

დოკუმენტს ხელი მოაწერეს სომხეთის საგარეო საქმეთა მინისტრმა, არარატ მირზოიანმა და აშშ-ის სახელმწიფო მდივანმა, მარკო რუბიომ.

გავრცელებული ინფორმაციით, მხარეებმა ასევე გააფორმეს ჩარჩო შეთანხმება "ტრამპის გზა საერთაშორისო მშვიდობისა და კეთილდღეობისთვის" (TRIPP) პროექტის ფარგლებში თანამშრომლობის შესახებ, ასევე ურთიერთგაგების ჩარჩო მემორანდუმი სასარგებლო წიაღისეულის მოპოვებისა და განვითარების მიმართულებით.

ხელმოწერის ცერემონია გაიმართა ერევნის ზვარტნოცის საერთაშორისო აეროპორტში.

აზერბაიჯანული მედიის ცნობით, აშშ-ის სახელმწიფო მდივანი მარკო რუბიო ერევანში მეუღლესთან, ჟანეტ დუსდებეს რუბიოსთან ერთად, რამდენიმე საათით ჩავიდა. გავრცელებული ინფორმაციით, რუბიო ინდოეთიდან ვაშინგტონში დაბრუნებისას სამუშაო ვიზიტით ერევანში გაჩერდა.