"ჩვენ საჯაროდ განვაცხადეთ, რომ სადაც იქნება აღიარება და სინანული, იქ შესაბამისი ნაბიჯები გადაიდგმება, ეს პოზიცია გავუზიარეთ საპატრიარქოს," — განაცხადა ირაკლი კობახიძემ ბრიფინგზე პატიმრების შესაძლო შეწყალების საკითხზე საუბრისას.

ჟურნალისტის კითხვას, როდის ჰქონდა ხელისუფლებას საპატრიარქოსთან ბოლო კომუნიკაცია შეწყალების თემაზე და ნიშნავს თუ არა ეს საკითხზე საბოლოო უარს, კობახიძემ განაცხადა, რომ ხელისუფლების პოზიცია უცვლელია.

"ჩვენ არა თუ უარი, არამედ ჩვენ, საჯაროდ განვაცხადეთ, რომ სადაც იქნება აღიარება და სინანული, იქ შესაბამისი ნაბიჯები გადაიდგმება და ეს პოზიცია გავუზიარეთ საპატრიარქოს წარმომადგენლებსაც არაერთგზის და ეს საჯაროდ გვაქვს გამოხატული, ეს არის ჩვენი პოზიცია, რომელიც არის ძალიან მყარი და მკაფიო... ეს არის საჭირო დანაშაულის პრევენციისთვის, ეს არის საჭირო სახელმწიფოსთვის," — აღნიშნა ირაკლი კობახიძემ.